KARTOGRAFIA

DATUAK JASO

Proiektua aurkeztu ziguten egunean, taldeka kokatu ginen lanaren inguruan hitz egiteko. Gure taldean, “Nola ikasten dugu?” galderari erantzuna emateko beste hiru galdera agertu ziren: noiz ikasten dugu?, non ikasten dugu? eta zerekin edo norekin ikasten dugu?. Erantzun batzuk agertu ziren, adibidez, apunteekin ikasten dugula, bideoekin, dokumentalekin, irakurtzen edota albisteekin… Gainera, besteen esperientzietatik ere ikasten dugula konturatu ginen, adibidez guraso edo aiton-amonen esperientzietatik. Baina lehenago konturatu ez nintzen puntu bat agertu zen, beharra daukagunean ikasten dugula, hau da, arazo baten aurrean bakarrik gaudenean eta irtenbide bat bilatu behar dugunean.

Ebidentziak sortu behar genituen gero, eta horretarako okurritzen zitzaigun guztiari argazkiak aterako genizkiola pentsatu genuen, eta gero gure artean partekatuko genituela denek besteen informazioa edukitzeko.

DATUAK ANALIZATU

Taldeka bildu ginenean, bakoitzak, bildutako ebidentziekin eta proposatutako galderak aitzaki bezala erabiliaz, gure egunerokotasunean nola ikasten dugun ikusi genuen.

Konturatu nintzen, nik egunerokotasunean esperientziekin ikasten dudala gehienbat, adibidez, hockey-ean jokatzen edo entrenatzen dudanean esperientziengatik ikasten dut nola egin behar ditudan gauzak ondo hurrengoan. Baita ere besteek kontatzen dizkidaten gauzetatik, amona edo aitonak, gurasoek, entrenatzaileek zerbait azaltzen didatenean, interesa sorrarazten badit, ikasi egiten dut.

Nire egunerokotasunean, nire ikasketa prozesua definitzen duen kontzeptua INTERESA da. Interesa pizten ez didan zerbaitez hitz egiten badidate ez diot atentziorik jarriko, beraz ez dut inoiz ezer ikasiko. Behin interes hori daukadanean ikasi nahi dudanarekiko konpromezu bat hartzen dut.

Besteek paper garrantzitsu bat daukate nire ikasteko prozeduran, beraien esperientzietatik eta beraiek kontatzen dizkidaten gauzei garrantzi handia ematen diot, beti ere nire interesa pizten badute.

Teknologia berriek, nire kasuan, ez dute garrantzi hadirik, baina zertxobait badaukate. Informazioa behar dudanean, edo nire lagunekin harremanetan jarri nahi badut komunikabideak erabiltzen ditudanean IKTak erabiltzen ditut.

DATUAK ANTOLATU

AURKIKUNTZAK AURKEZTU

Nire kartografian, non, norekin eta ikasteko zer behar dudan aipatu ditut.

Donostiako mapan bost toki daude borobilduta: unibertsitatea, nere bi aiton-amonen etxea, hockey zelaia eta nere etxea. Nik leku horietan guztietan ikasten dut egunero; baina bakoitzean mementu eta modu ezberdinetan ikasten dut.

Leku horietatik pertsona batzuen argazkiak ateratzen dira, eta horiek dira nik ikasten dudanekin. Lehenengo nere aiton-amonak, beraiek dira nere bizitzako pilare garrantzitsuenetariko bat, egunero denbora asko pasatzen dut beraiekin eta gauden bakoitzean gauza ezberdinak ikasten ditut. Gero familia osoaren argazkia dago, aiton-amonetik hasita nere lengusu txikienetara, denok ikasten dugu batera gauden bakoitzean. Azkenik nere hockey taldearen argazkia dago autobus baten barruan. Batera gauden bakoitzean gauza asko ikasten ditugulako eta autobusean bidai asko egiten ditugulako, eta bidai horiek ere ikasteko balio dutelako.

Azkenik Espainiako mapa bat dago. Mapa horretan gorriz eta urdinez probintzia ezberdin batzuk daude margotuak. Gorriz aurten hockey taldearekin joango naizen tokiak, eta urdinez Gipuzkoa (hor bizi naizelako) eta Huelva, hor pasatzen dudalako uda guztia eta gauza asko ikasten ditudalako.

Argazki eta marrazki guztiak gezi askorekin lotuta daude, azkenean hori naizelako ni eta denak batera bakarrik sortzen dutelako nere errealitatea.